سناء العاجز
حبيتيه
طب أد إيه
ماهو ياما ياما سهرك
فاكره لما ف يوم قابلتك
والدموع ما سابتشي خدك
يومها من خوفك سألتك
هو حبك
ولا قلبه مال لقلبك
ولا كان غاوي التسالي
بالغرام دغدغ مشاعرك
وفي سهادك خيرك
الغرام دبل ورودك
جف دمعك جف عودك
وأما قابل واحده تانيه
قام في ثانيه مغيرك
لا حس لوم ولا قدرك
هنتي وهانت عشرتك
إتعذبي بمحبتك
عايشه على الوهم إللي كان
بدد خطاوي سكتك
متفكريش إنسي اللي فات
إنسي معاه الذكريات
قومي إفتحي باب الحياه
الأمل مع بكره جي
قولي إن الحب مات
بس قلبي لسه حي