كتبت /شوزان توفيق
المقادير :
لفة جلاش
كوب لبن
بيضة
رشة فلفل وملح
معلقة صغيرة بيكنج بودر
نص كوب زبدة علي زيت
الطريقة
في بولة نحط اللبن والبيض والملح والفلفل ونص كوباية الزبدة علي الزيت والبيكنج بودر وقلبيهم كلهم علي بعض
نيجي بقي للجلاش فردت ورقة جلاش ودهنتها بخليط الللبن والبيض ده وحطيت كمان ورقة ودهنت تاني لحد مانعمل أربع ورقات جلاش بين كل ورقة ندهن كويس اوي عشان ميطلعش ناشف
و الحشوة اللي تحبوها بقي انا حطيت خلطة البيتزا اللي هي بسطرمة وزيتون وفلفل ألوان وبس قفلت الورقات علي بعضهم زي الظرف وحطيتهم في طاسة مدهونة زيت خفيف علي النار اول ما تاخد لون اقلبيها الناحية التانية و اللي يطلع غطيه بطبق او فوطة نظيفة عشان يفضل طري ومينشفش
وحاولوا تعملوا الكمية كلها بسرعة عشان الورق ميبوش منكم وانتوا بتسوا علي النار والحشو يطلع بره
