المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

ثقافة الوقت

  • إجتماعي , ثقافة , حوار
  • الجمعة 9 أغسطس 2019 بتوقيت 1:03:57 صباحًا
  • 303 مشاهدة
  • كاتب الخبر : الغدير الذهبى
ثقافة الوقت

كتبت : فريدة الموجي

دمياط

فيه بنت إتخطبت لمدة سنتين بالظبط كان فاضل على كتب الكتاب ١٣ يوم ، فجأه بدون أي مقدمات قررت إنها مش هتكمل وقالت لأهلها مش عاوزاه .. كل اللي حواليها يسألوها عن السبب وهي مش راضية حتى توضح .. لحد ما في الآخر إعترفت وقالت ” مادانيش أي حاجة في وقتها ” ..
بيطمن عليا بعد ما أخف .
بيسأل عن إمتحاني الصعب اللي مرعوبة منه وحكياله عليه بعدها بإسبوع .
هدية عيد ميلادي حتى بتيجي متأخر .
كل حاجه كنت بشوفها منه كانت باردة وفاترة ومالهاش أي طعم .
نيجي لواحدة تانية متجوزة وفي يوم حصل مشكلة بينها وبين جوزها وصلت المشكلة دي إنهم فضلوا مخاصمين بعض أربع أيام بحالهم . هما متجوزين في محافظة تانية بعيد عن أهلها وفي أيام خصامهم نزلت تشتري حاجات ليها من مكان جنبهم هي كانت فاكرة إنها عارفة الشوارع كويس نزلت واشترت ولفت كتير والمفروض مروحة بقى معرفتش هى فين بتبص حواليها مش عارفة أي محل ولا مألوف ليها أي يافطة أو عنوان تروح هنا تروح هناك مش عارفة ترجع تانى وتدخل من أي شارع تتوه أكتر . قامت واقفة في مكان وفضلت تعيط وطلعت تليفونها واتصلت بجوزها رد عليها وقالت له ” أنا تايهة ومش عارفه أنا فين ولا عارفه أعمل حاجة ” وده كله طبعا بعياط . قعد يقول لها ” إهدى بس أنا معاكي أهو ، قومي بس إسألي أي صاحب محل عندك وإعرفي منه أسمه إيه عشان أعرف أجيلك يا حبيبتى ، إطمني أنا معاكي ومش هسيبك ومش هقفل الخط وجايلك دلوقت حالا وبعد لف كتير وصل ليها وشافها وجري عليها وهي من الخوف ما كنتش مصدقة إنه هو ، وبعد ما إستوعبت قامت معيطة ومستخبية فيه ..
عدى كام سنة علي الموقف ده وهي مش نسياه . بتقول إنه كل ما شيطاني يوزني أنكد عليه قلبي ما يطاوعنيش وتيجي في بالي صورة الوقت اللي كنت عاوزة فيه أمان وكان هو أماني وحمايتي …
في ثقافة اسمها ثقافة الوقت
حاجة معينة عاوزينها في الوقت ده
لو إتأخرت لحظة واحدة عن وقت إحتياجنا مش هنعوزها
كل حاجة ليها وقتها .. كل حاجة حرفيا
( الإحساس – والكلمة – والمعايدة – والطبطبة – والحضن – والنظرة – إلخ … )
زى ما الحاجة الساقعة لو سخنت مش بيبقى ليها طعم
وزي لما الدوا بيجى متأخر مبيبقاش ليه فايدة ولا بينفع
وزي الجدعنة اللي لو ما ظهرتش في الشدة مش بتبقى جدعنة .. كل حاجة وتوقيتها .. ولو خرجت عن التوقيت ده بتفقد قيمتها.

 

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©