المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

بلد تايهة

بلد تايهة

السيد فريج حسن

,,,,,,,,,,,,,,,,,,,,,,,,,,,,,,,,,,
في يوم نادي المنادي
بلد تايهه …
ياولاد الحلال
في ودنها حلق
وفي رجلها خلخال
صبيه وبهيه
متتاقلش بمال
حملها تقيل
شباب كتير وعيال
اللي يلاقيها
يردها في الحال
وله الحلاوه
تخلده الاجيال
بص لي راجل رزل ..
ورد عليا وقال
انسي بقي ياخال
صدعتنا بغناوي
وكلام كتير … موال
بصيت لقيت قدامه
كوم حشيس وبلطجة
وجماجم وناس متقطعه
وارهاب …
ومعبي الفساد في أزايز
والخيانه والعماله …
في شوال !
قلت ياخساره
الخسيس باع الوطن
بكام بريزه وريال
بكره تدور الدنيا
وتتغير الاحوال
وتتعافي الغاليه أوي
وتقتل الاندال
ياما طلع من عبها
ابطال …
التاريخ في يوم
حيبقاله كتير اقوال
يحفظ ربنا مصر …
ام الدنيا وحسنها ياخال
صعبت علينا العيشه
لكن تهون لأجلها الاجيال
حياتنا وعمرنا وآجال
وتبقي مصر الخلود
وع العالم في يوم حتسود
وترجع مصرنا وطن …
ولا تبقي في يوم تايهه
ولا ينادي المنادي
من تاني بلد تايهه
ياولاد الحلال …

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©