…..انسي الي فات…..
كلمات يحيى العبادي
=============
فاكر زمان معقول
لسه في هواه بتقول
الوقت عدي وفات
كل الي جاي منقول
كنت الامل…..ليا
كنت الجمال ..فيا
عشت الحياه في هواك
وعشق الجمال غيه
ابعد كمان …وكمان
اهرب…ضيع العنوان
قلبي الي كان راحل
قربك ما عدش امان
انا الي كنت نسيت
ب هوايا عليك عديت
وعرفت ليه دنيتك
مالهاش في عيله وبيت
كنت في قلبي كبير
تايه ف عنيك وأسير
شايفك امير ب عيوني
اتاريني كنت ضرير
ولسه فاكر يازمان
الي ما كان له امان
عاش الحياه وقتها
حاجه تانيه مش انسان
بطلت اشوف مكتوب
الحرف كله عيوب
وان قولت انا غالب
ارد واقول. مغلوب
فكر وروح لبعيد
بدل قديم. ب جديد
وارمي الي فات أنساه
لو حتي هاتبقي وحيد
