محمود سعيد
النهاردة أعلنت #اثيوبيا انتهاء المرحلة الألى من ملء سد النهضة واحتفل المسئولين مع الشعب باللحظة التى وصفوها بالتاريخية ووزير الخارجية أتبع تلك العبارات بعبارة “النيل لنا”.
اثيوبيا أعلنت كمان انها استفادت من مياه الأمطار فى ملء خزان النهضة لسببين
الأول- حتى لا تثير المشاكل مع دول المصب “مصر والسودان” وتقدر تكمل بكل اريحية وبدون ضغوط دولية.
الثانى- توصيل رسالة للعالم مفادها “ان اثيوبيا انتهت من المرحلة الأولى من ملء خزان سد النهضة بدون الحاق الضرر بالسودان ومصر” اللى هو شوفتوا ان السد مش هيضر حد!.
هنا فيه خطأ لأن موسم الأمطار ده كانت بتستفيد منه دول المصب لكن المرة دى اثيوبيا استأثرت به اثيوبيا لنفسها وبالفعل ده أثر على السودان بما أنها أقرب الدول لسد النهضة.
لما قولت المرة اللى فاتت ان اثيوبيا بتختبر رد فعل مصر والسودان ده طلع حقيقي لانهم أعلنوا النهاردة وبكل اريحية انهم فعلا كانوا بيملوا السد بدون التوصل لاتفاق ودون أن تجد اى رد فعل.
اثيوبيا التى طالما استمعت لمقولة “مصر هبة النيل” ربما أرادت أن تصبح هى الأخرى كذلك بعد أن استحال ذلك فى الماضى.
الفيديو من التفزيون الأثيوبى
