المنسق العـامعميد طارق حسن
رئيس مجلس الإدارةعميد أ.ح أحمد عبد الله
الرئيس التنفيذيأسعد عثمان

ابنودي دشنا يبحث عن مرسي لسفينة أحلامه

  • خاطرة , شريط الاخبار
  • الأربعاء 31 يوليو 2019 بتوقيت 12:45:22 صباحًا
  • 233 مشاهدة
  • كاتب الخبر : مرفت رضوان
ابنودي دشنا يبحث عن مرسي لسفينة أحلامه

 

كتب / عابدين محمد سلام

تايه في بحورك رسيني 
في شواطئك هدي وارميني
انا والله فكرت كتير
والله انا دوبت من التفكير
وبصالحك ومش ضد مصالحك
وبصافحك بتلويلي دراعي
وبرضو مصره تعانديني
من صغري وانا بحلم بالمرسي
وكل ما اقول اضحك بنسي
لا جروحك بقت توجع فيا
ولا قلبي عليكي عارف يقسي
احلامي في البر التاني
والبر محتاجله معديه
والقصر اللي اتمنيته في صغري
دلوقتي كبر واصبح غيه
وامانينا وياكي اهي ضاعت
واللي اشتريناها خدعت باعت
ما كفايه انا دوبت ف اوجاعك
انا عارف ان العيب مش فيكي
ما هو كل العيب ده كان فيا
دنا كل لما اجي اقرب منك
بتبعدي ليه وتصديني
كل اللي انا عاوزه اني انا اكون جنبك
اودك وانتي توديني
وبحنانك نفسي اعيش لحظه
ده الحزن علم علي جبيني
وبحبك وبرغم القسوه
وحياتي من غيرك ولا تسوي
خديني في حضنك ضميني

لو قلبك عليا محنش
رسيني في شاطئ وارميني 
ده انا تايه في بحورك رسيني

الرابـط المختصر:

شارك برأيك وأضف تعليق

البحث فى جوجل

جميع الحقوق محفوظة لموقع وجريدة حكاية وطن 2019 ©