إدمان الإنترنت
بقلم/ فاطمة خاطر
كل واحد منا قاعد
وشه لازقه جوه شاشه
ابن سنتين والا عشره
اي حد واي باشا
العواطف منا خلصت
والعلاقات انتهت
طول ما بيننا فيس ونت
تنتهي بدون اندهاشه
شاشه زرقاء لازقه لازقه
منها ناس اكلوا البغاشه
الف صاحب ع الحساب
كله بيبين نغاشه
كله ناس مظلومه جدا
طيبيين جدا يا خال
واتس او فيه ع الماسنجر
شات واغلبه انحلال
فيه كلام جوايا ياما
بس عفوا لا يقال
الخلاعه الكتروني
شئ مهول يفوق ظنوني
انتوا ايه جابكم في كوني
وكنت وحدي كالفراشه
طايره على جناحات كتاب
لحالي عايشه باخد ثواب
صبري علي مرضى وعذاب
رابطه راسي دى بشاشه
الف واحد اصدقاء
والقليل جدا صديق
لما تشكى حال وضاق
فجأه كله بيتلاشى
الحقيقه غبنا عنها
اننا مغيبين
نسينا روحنا وايه طموحنا
ويعني ايه اخلاق ودين
كله سايح ويا كله
وكله بيروج فضايح
الحقايق زيفوها
والصغاير كبروها
والقباحه روجوها
طب قولولي يرضى مين
فوقوا قبل الموت ما ييجي
راعوا رب الناس يا ناس
الادب تاج در لولي
والحياء ده تاج ل راس
حد مؤمن ايوه فعلا
نزعتوا عنه ليه القماشه
اللي كانت ساتره ليه
والهلاك جاريين عليه
افهم انت يا نبيه
انت فحمه ماسكها ماشه
اسمها نت وفيس
او انستا وواتس آب
اللي يرضى عنه ربه
يتوب وهوه فوق تراب
الحياه دنيا دنيه
واللي يطلبها كلاب
والحقيقة واحده هيه
بايدكوا ديه اطفوا شاشه
فاطمه خاطر