فرحة العيد 23

نشره : فرحة العيد 24/05/2020 - 02:03 AM

)كلمات /صبري حسين
****************************************
يا محلا العيد
ايام زمان
لما كانت امي
تتجمع مع الجيران
تلاقي اللي تعجن
واللي تنقش وتزوق
واللي ترص الكحك في الصيجان
يخلصوا قبل الآذان
على الفرن نجري اوام
كانت احلا ايام
فرحة العيد
كانت لها أشكال والوان
قبل مايخلص رمضان
تلاقي كل البيوت
خلايا نحل
اللي بتغسل السجاد
واللي بتنظف وترتب
ياسلام على فرحتنا واحنا صغار
كان العيد لنا معناه لبس جديد
ننزل نشتري اجمل الالوان
اللبس كله جديد في جديد
من الغيار الداخلي للحذاء
من الفرحة نفضل حاضنين اللبس للصبح
ليلة العيد مافيش نوم
نفضل صاحين للفجر
ننزل جري للصلاة
نصلي الفجر ونستني صلاة العيد
نفرح بالتهليل والتكبير
نخلص الصلاة
يتجمع اهل الحارة
نسلم على بعض بحرارة
كل سنة وانتم طيبين
ربنا يعيد عليكم الايام
بالسعادة والخير
نطلع نفطر
ونريح شوية
قبل الضهرية
نستقبل المهنيبن
نقدم لهم الكحك والحلويات
والله كانت احلا عادات
كانوا المهنيين افواج ورا افواج
النفوس كانت صافية
المحبة هي السايدة
البال كان رايق
حتي ولو في حد مضايق
بيفرح لما يلاقي اللمة
دول من اهله ودول من الشلة
ضحك وتهريج ومداعبة
الوقت يمر بسرعة
ياسلام على دي ايام
ناس بتهني وتعيد
الكل بيسأل على بعضه
ده ابن خاله وده ابن عمه
كانت بتبادل الزيارات
بين كل العائلات
في كل الأعياد والمناسبات
نفضل نلف بالساعات
عمر ما عطلنا حر ولا برد
المهم نعيد على الكل
قرايب وأصحاب وجيران
طول ما احنا ماشين نلقي سلامات
اتفضلوا يا اخوات
اتفضلوا اشربوا القهوة
الكل بيتعامل بفرحة
واحنا صغيرين
كنا بنستني العيدية
نجمع بعض وننزل الشارع
حياتنا كانت بسيطة
نشتري بالون وبمب
سبحان الله كانت كل حاجة بحب
البياع بيعاملنا زي اولاده
الحب كان هو السايد
الاحترام هو الدستور
اهلنا على الحب ربونا
علمونا نحترم الكبير
نعطف على الصغير
كلمة عمري ما انساها
الدين يا ابني المعاملة
تبسمك في وجه أخيك صدقة
اترببنا على القيم والعادات
فعلا كانت احلا ايام
ابص على حالنا الان
اتحسر على الماضي
كل ما تكلم حد والله مشغول موش فاضي
العيد يجي ويخلص
ممكن ما حد يخبط على بابك
لا من أهلك ولا من اصحابك
الدنيا ضحكت علينا
شغلت قلوبنا وعقولنا
والحجة جاهزة عندنا
لقمة العيش لهيانا
في عصر النت والسموات المفتوحة
المعايدة بقت برسالة
ياسلام يبقى كرم زايد لو عيد بمكالمة
المعايدة بقت على العام في الصفحة
صورة جميلة مع كلمتين حلوين
كل سنة وانتم طيبين
النت والفون
قطعونا من بعض
مافي حد بيسأل على حد
البعد بينا فاق الحد
كأننا اتعاهدنا على البعد
بتمنى نرجع تاني
اتقابل مع اهلي واصحابي
نفسي ايدي تحضن ايدك
اكلمك عيني في عينك
تشوف تعابير وشي
تحس بنبرة صوتي
كفاية كلام في الفون والنت
كفاية رسايل قصيرة
عايزين نفضها سيرة
نرجع تاني لجو الاسرة
نتجمع نشوف بعض
كفانا بعد وغربة
العيد ده مخلوق للفرحة
ربنا قال عليه الجايزة
تعالوا يا أهلي واصحابي
نعيش مع بعض الفرحة
نمسح من عيونا الدمعة
تعالوا نرجع تاني اخوة
علشان نستحق الجايزة
العيد احلا مع اللمة
العيد يكمل بالصحبة
كفيانا فرقة
كفيانا غربة
ياكل الاهل والاصحاب
افتحوا لبعض الابواب
اتجمعوا مع بعض افرحوا
بالعيد استمتعوا
كل سنة وانتم طيبين
عيد سعيد
صبري حسين

 

لا يتوفر وصف للصورة.

ads



لا توجد تعليقات , كن انت اول من يضع تعليقاً

المضاف حديثا

شوزان توفيق

02/06/2020 - 10:49 AM 6

شوزان توفيق

02/06/2020 - 10:22 AM 13

شوزان توفيق

02/06/2020 - 10:14 AM 16

عزة عبد العزيز

02/06/2020 - 07:55 AM 6

عزة عبد العزيز

02/06/2020 - 07:49 AM 18

عزة عبد العزيز

02/06/2020 - 07:38 AM 16

عزة عبد العزيز

02/06/2020 - 07:33 AM 12


مطبخ

شوزان توفيق

31/05/2020 - 10:51 AM 61

شوزان توفيق

31/05/2020 - 10:42 AM 82

شوزان توفيق

30/05/2020 - 10:31 AM 72

شوزان توفيق

30/05/2020 - 10:15 AM 80

شوزان توفيق

29/05/2020 - 12:15 PM 51

شوزان توفيق

29/05/2020 - 10:47 AM 101


قبس من نور

احمد مدني

01/06/2020 - 01:05 AM 83

 سوسن

31/05/2020 - 05:32 PM 56

احمد مدني

30/05/2020 - 10:35 PM 46

من فضائل ذوالنورين

30/05/2020 - 02:36 AM 60

احمد مدني

30/05/2020 - 02:33 AM 59

احمد مدني

29/05/2020 - 09:53 PM 63

احمد مدني

29/05/2020 - 08:11 PM 94

احمد مدني

29/05/2020 - 09:59 AM 49

"اسم آلله الأعظم"

29/05/2020 - 02:20 AM 72