هنفرح بالعيد واحنا فى البيت 167

نشره : احمد مدني 22/05/2020 - 02:31 AM

كتب محمودعبدالصمد
بعد قرارات مجلس الوزراء الجديدة واللي منها منع صلاة العيد في المساجد والساحات حابب أقول كم حاجة مهمة
يجب نعرف اولادنا ان الحظر ده سنه وكمان مصر امنا ورجالها بيحفظو علينا ولا زم نتعاون مع الدولة عشان
نحافظ على بعض
واوعى الأحداث الجارية والقرارات دي تصيبك باليأس والحزن وتنسيك إن الفرحة بالعيد عبادة انت بتتقرب بها إلى الله تعالى وإنها تعظيم وإظهار لشعائر الإسلام .. قال النبي صلى الله عليه وسلم عن الصائم: "وإذا أفطر فرح بفطره" لأن ده يوم المكافأة ولازم نفرح بيه !
خليك حريص على إنك تكون مصدر بهجة وسبب فرحة لكل اللي حواليك خاصة أولادك وأهل بيتك .. ولو ظروفك المادية تسمح انزل اشتريلهم لبس ولعب وحاجات حلوة زي كل سنة وحسسهم بالعيد !
لو قدرت تشتري بلالين وزينة وتعلقها في البيت عندك من بالليل يا ريت .. خاصة أوسع ركن في البيت هتكون حاجة جميلة جدا حاول إنك تعملها !
اصحى يوم العيد الفجر وصحي البيت كله والبسوا أجمل حاجة عندكم واتعطروا واتزينوا وصلوا الفجر جماعة في معاده !
بعد ما تصلوا الفجر وتقولوا الأذكار افطروا كلكم على تمر زي النبي صلى الله عليه وسلم ما كان بيعمل في عيد الفطر عشان يثبت فطره ويعلن انتهاء رمضان !
بعد كده اتجمعوا كلكم واقعدوا كبَّروا تكبيرات العيد بصوت عالي لغاية الشمس ما تشرق وترتفع شوية ويجيي معاد الصلاة .. ولو واحدة عنها العذر الشرعي خليها برضوا تقعد تكبّر على جنب وتشوفكم وانتم بتصلوا !
صلِّ بأهل بيتك وأولادك صلاة العيد ركعتين جماعة كبَّر في الركعة الأولى سبع تكبيرات غير تكبيرة الإحرام واقرأ سورة الفاتحة وأي سورة بعدها -ولو حافظ سورة الأعلى اقرأها- وفي الركعة الثانية كبَّر خمس تكبيرات غير تكبيرة الانتقال واقرأ سورة الفاتحة وأي سورة بعدها -ولو حافظ سورة الغاشية اقرأها- !
بعد التسليم من الصلاة لو حبيت تخطب فيهم خطبة العيد فـ حضرتك تقف قدامهم وتقولهم أي تذكرة حتى لو حديث عن النبي صلى الله عليه وسلم تعرفهم معناه أو كلمهم عن خلق من أخلاق الإسلام أو أي حاجة حافظها وتعرف تقولها بشكل مبسط -الأمر سهل- ولو مش حابب تخطب خالص مفيش مشكلة -الأمر واسع يعني- !
بعد الخطبة حاول تحسسهم بقيمة اللي عملتوه وتعرفهم إنكم بكده أقمتم الشعيرة وطبقتم السُّنة وعشتم فرحة العيد والظروف مكانتش حائل بينكم وبين ده خالص .. وعلمهم إن الدين يسر مش عسر وإننا لما نحتاج أي حاجة نطلبها من ربنا -وممكن يكون العنصر ده هو موضوع الخطبة أصلا- !
متنساش يا بطل تديهم العيدية كلهم وتبدأ بزوجتك وأمك واخواتك البنات لو عايشين أو موجودين معاك في الوقت ده وبعد كده الأطفال .. ويا سلام لو تكون عامل حسابك من قبلها وجايب فلوس جديدة من البنك لأنها هتفرحهم جدا !
اتجمعوا كلكم بعد كده على الفطار وعرفهم إن الصيام في اليوم ده حرام .. لأنه يوم عيد وفرحة وأكل وشرب مينفعش نصوم فيه !
بعد الفطار اتجمعوا كلكم على لعبة حلوة ومفيدة أو اعملوا مسابقة وجوائز للفايزين واقعدوا طيروا البلالين وفرقعوها مع بعض !
بعد ما تخلصوا جمعهم حواليك وامسكوا تليفوناتكم واتصلوا بقرايبكم وأصحابكم وزمايلكم وعيّدوا عليهم مع بعض .. وخلوه يوم بر وصلة رحم وإحسان صحبة وحسن عشرة لكل الناس اللي تعرفوهم عن طريق التليفونات !
هنفرح بالعيد واحنا في البيت

لا يتوفر وصف للصورة.

ads



لا توجد تعليقات , كن انت اول من يضع تعليقاً

المضاف حديثا

احمد مدني

01/06/2020 - 02:21 AM 11

هدى حفنى

01/06/2020 - 01:05 AM 27

احمد مدني

01/06/2020 - 01:05 AM 32

احمد مدني

01/06/2020 - 01:01 AM 23

احمد مدني

01/06/2020 - 12:37 AM 27

شوزان توفيق

31/05/2020 - 11:12 PM 14

عزة عبد العزيز

31/05/2020 - 10:42 PM 142


مطبخ

شوزان توفيق

31/05/2020 - 10:51 AM 56

شوزان توفيق

31/05/2020 - 10:42 AM 77

شوزان توفيق

30/05/2020 - 10:31 AM 64

شوزان توفيق

30/05/2020 - 10:15 AM 75

شوزان توفيق

29/05/2020 - 12:15 PM 49

شوزان توفيق

29/05/2020 - 10:47 AM 98

شوزان توفيق

28/05/2020 - 11:51 AM 99


قبس من نور

احمد مدني

01/06/2020 - 01:05 AM 32

 سوسن

31/05/2020 - 05:32 PM 37

احمد مدني

30/05/2020 - 10:35 PM 37

من فضائل ذوالنورين

30/05/2020 - 02:36 AM 52

احمد مدني

30/05/2020 - 02:33 AM 50

احمد مدني

29/05/2020 - 09:53 PM 58

احمد مدني

29/05/2020 - 08:11 PM 81

احمد مدني

29/05/2020 - 09:59 AM 42

"اسم آلله الأعظم"

29/05/2020 - 02:20 AM 63