حوار مع بائعة الخضار 152

نشره : جمال سليم 19/04/2020 - 05:14 PM

كتب /جمال سليم

دسوق كفر الشيخ

بكام حزمة الفجل لو سمحتي يا أمي؟
من غير فلوس والله ليك يا استاذ.
ربنا يكرم اصلك الطيب ويحفظك يارب.
الربطة بجنيه ليك انت والله باخدها من التاجر ب 75قرش.
التاجر بيشتري من صاحب الزرع وعلي مايوصل بقي بيوصل للسعر ده.
طيب انتي بتكسبي ايه يا أمي؟
ربك بيرزق يا ابني المهم إن دي شغلتي ومصدر رزقي وربنا بيراضيني علي اخر اليوم وبرجع مستورة لاولادي.
عندك اولاد يا أمي؟
عندى عقبال ما تشوف ولادك يارب دعاء في كلية التربية سنة 3 قسم عربي وسلوي في كلية حقوق آخر سنة إن شاء الله تعالي.
بسم الله ما شاء الله ربنا يبارك لك فيهم يارب وتشوفيهم اسعد خلق الله.
طيب بجد ازاي بتوفري التزاماتك ومصاريف بناتك من بيع الخضار ليكي مصدر رزق تاني؟
ابدا يا ابني معاش ابوهم الله يرحمه وشغلتي دي بحاول اوفر لهم اللي يعيشهم واعلمهم.
والله بياخدوا مني كل يوم مواصلات بس هم الاتنين 30جنيه ،غير انهم يجيبوا سندوتشات ويصوروا ورق محاضرات كمان قول 30جنيه.
بس دلوقتي هم مبيروحوش بيقولوا خايفين عليهم من كورونا فقعدوهم في البيت.
تعرف اني وفرت مصاريف كتير بسبب كورونا دي
ازاي يا أمي؟
اقولك هم بيذاكروا علي النت ومعدوش بيروحوا وفروا المواصلات ومصاريف الورق والتصوير واللبس وغيره.
ربنا يستر علينا يا ابني ويزيل الوباء والبلاء عن مصر واهلها
انا واثقة في ارادة ربنا ان مصر عمر مايصيبها مكروه إن شاء الله تعالي ونرجع تاني وتتفتح دور العبادة وترجع المناسبات والاعياد زى الأول وأحسن ان شاء الله تعالي.
مر علينا ازمات كتير،وتلاقي مصر بتقاوم وتتعافي من جديد
عشان اهلها ناس طيبة،ناس بتحب بلدها بجد ،وبيخافوا علي ارضهم وعرضهم،الدولة يا بني بتخاف علينا بالرغم من الظروف الاقتصادية الصعبة،بتلاقي اعانة للعمالة ،بتلاقي وزارة الصحة مستعدة لاستقبال الحالات،بتلاقي الجيش بينزل يعقم ويطهر المؤسسات،بتلاقي الكل مستوعب حجم المشكلة وخايف علي البلد وبينفذ الحظر وبيلزم البيت
ياااه يا أمي انتي لخصتي القصة كلها.
يا ابني انا متعلمة ومعايا دبلوم تجارة ،بس هي الظروف اللي خلتني ابيع خضار.
بالعكس يا أمي انتي احسن وافضل من ناس كتير متعلمين تعليم جامعي بس ينقصهم الكثير والكثير،شغلتهم التريقة والنكات والنقد الهدام.
قاعدين ومش عاجبهم حاجة الفئة دي اللي يتخاف منها علي البلد.
البلد عايزة اللي يشتغل وينتج مش ينتقد ويكسر المجاديف
ربنا يهديهم يا بني ويحفظ مصر واهلها من كل مكروه وسوء
ويزيل عنا البلاء والوباء.
ربنا يعينك ويخليكي ويبارك لك في اولادك يارب يا أمي.

ads



لا توجد تعليقات , كن انت اول من يضع تعليقاً

المضاف حديثا

شوزان توفيق

02/06/2020 - 10:57 AM 4

شوزان توفيق

02/06/2020 - 10:49 AM 10

شوزان توفيق

02/06/2020 - 10:22 AM 15

شوزان توفيق

02/06/2020 - 10:14 AM 16

عزة عبد العزيز

02/06/2020 - 07:55 AM 6

عزة عبد العزيز

02/06/2020 - 07:49 AM 18

عزة عبد العزيز

02/06/2020 - 07:38 AM 18


مطبخ

شوزان توفيق

02/06/2020 - 10:57 AM 4

شوزان توفيق

31/05/2020 - 10:51 AM 63

شوزان توفيق

31/05/2020 - 10:42 AM 82

شوزان توفيق

30/05/2020 - 10:31 AM 72

شوزان توفيق

30/05/2020 - 10:15 AM 80

شوزان توفيق

29/05/2020 - 12:15 PM 51

شوزان توفيق

29/05/2020 - 10:47 AM 101


قبس من نور

احمد مدني

01/06/2020 - 01:05 AM 83

 سوسن

31/05/2020 - 05:32 PM 56

احمد مدني

30/05/2020 - 10:35 PM 46

من فضائل ذوالنورين

30/05/2020 - 02:36 AM 60

احمد مدني

30/05/2020 - 02:33 AM 59

احمد مدني

29/05/2020 - 09:53 PM 63

احمد مدني

29/05/2020 - 08:11 PM 94

احمد مدني

29/05/2020 - 09:59 AM 49

"اسم آلله الأعظم"

29/05/2020 - 02:20 AM 72